الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 مجاملات السودانيين زايدة شوية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ود رغوة 32



المساهمات : 19
تاريخ التسجيل : 22/10/2010

مُساهمةموضوع: مجاملات السودانيين زايدة شوية    الجمعة 22 أكتوبر - 23:24:31

مجاملات السودانيين زايدة شوية

المجاملات تعتبر بهار الحياة بالنسبة لنا نحن السودانيين ولكن فى الغربة يجب ان تكون اقل من الحاصل الان حيث ان الوفاة في السودان اصبح الفراش كما يسموه يوم واحد فقط وذلك لظروف الحياة العصرية والتسارع الزمني الحاصل لذلك اتمنى أن يكون العزاء في الغربة لمدة يوم واحد وذلك لظروف العمل و العادات والتقاليد للبلد الذي نقيم فيه لا يسمح بذلك, وهناك شي آخر وهو موضوع الكشف او "النقطة" او "الختة"، فلسفة الكشف كانت من عصور قديمة والقصد منها مساعدة اهل الميت نسبة للخسائر المادية الناتجة عن الضيوف الذين يأتون للعزاء اما نحن في الغربة لا توجد خسائر مادية بالنسبة لاهل الخبر (المتوفي في السودان ويأتي خبر الوفاة) أما الذي الذي يتوفى بالغربة فلا بأس من عمل الكشف وخلافة وذلك للمساعدة ,,, اتمنى أن لا يكون الكشف شوفونية (شوفوني وبس)
اتمنى النقاش بموضوعية وان لا يفهم بالطريقة الجبانة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: مجاملات السودانيين زايدة شوية    السبت 23 أكتوبر - 1:50:10

حبيبنا ود رغوة ..
أولاً التحية لك وأنت تعطر منتدانا بمساهماتك الثرة ومواضيعك التي "تهبش اللحم الحي" ..
ثم لك الشكر الجزيل على طرحك لهذا الموضوع "حول اجتماعيات السودانيين" ومجاملاتهم التي وصفتها بـ "الزايدة شوية" .. وقد قلت أنها "بهار الحياة" بالنسبة للسودانيين، وألاحظ أنك قللت من شأنها ، وشخصياً لا أرى أنها بهار الحياة بل "ماء الحياة" بالنسبة للطبخة إذا جاز لنا تشبيه حياتنا "بطبخة" .. الموضوع مثير وقابل للآراء المتعددة ..
فيما يتعلق بالأمر فالمجاملات الاجتماعية للسوداني لا تنفصل عن وصفه سوداني .. أي هي السمة المميزة للسوداني عن كل القوميات .. وهي ما تبقى للسوداني بعد أن كان عالماً مثقفاً أينما حل ينفح علمه ليخضر به المكان .. ومعلماً للشعوب .. علمنا - كسودانيين - العرب السياسة والدين والثقافة والإعلام والرياضة وأسس التربية والصفات والعادات ولله الحمد حتى الآن السوداني معروف بأمانته وتضحيته من أجل واجبه .. وتشهد بذلك الأعلام السودانية من شخصيات تمتلئ بها دول الخليج وكل الدول العربية كل في مجاله.
وقبل أيام فقط كان أحد الإخوة العرب معجب بـ "لمة" سودانيين مؤازرين لأحد إخوتهم أصابته فاجعة، كانوا له السلوى والسند .. ولم تقف أمامهم أوضاع البلد المستضيف بل العكس كان المستضيفون يتفرجون ويعجبون .. وقد "يقلدون" .. ومن هنا تبدأ (عملية تعليم الشعوب) ..
ومجرد رأي فيما يتعلق "بالكشف" .. في غالب الأحوال لا يعوض أي نوع من أنواع الخسائر سواء كانت المادية أو المعنوية .. لكن يؤكد بما لا يدع مجال للشك أن الناس (أسرة واحدة) ..
ويا عزيزنا ود رغوة لك التحية .. أنا لا أريد أن أغلق الباب أمام النقاش .. ويهمني أن أرى آراء بقية الأعضاء وسأعود حسب مقتضى الحديث .. ولك الشكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبد الجليل ابوعاقلة



المساهمات : 160
تاريخ التسجيل : 04/10/2010
العمر : 54

مُساهمةموضوع: رد علي مجاملات السودانيين زايدة شوية    السبت 23 أكتوبر - 7:40:47

الاخ ود رغوة لك التحية واوافقك علي المجاملات الزايدة علي العموم واخالفك في موضوع الكشف
واقول لااخونا ابو المنذر بعد التحية اخونا ود رغوة قال في معرض حديثه ارجو ان لايفهموني غلط واقول نحنا ماندافع عن المجاملات السودانية بصورة عامة والمجاملات احيانا بتكون مجارة للواقع وليس ناتجة عن قناعة حتي مرات واحد يقول ليهو نكتة (مابضحك) الثاني اقول ليك جاملناه وضحكنا ساكت ،او اقوم واحد اقول ليك والله فلان دا (كضب) كذب علينا اليوم (جنس كضب ) اول حاجة كنت عاوز اقول ليهو بالراحةعلينا شوية شوية لكن خليتو قلت اجاملوا ، حلوة اجاملو دي او واحد اقول ليك والله الاخ فلان قال لي بكرة جاينو ناس وعزمني( اجيهو) وبعد بكرة ولدي عندو امتحان وكان المفروض بكرة اراجع معاهو ! لكن مابقدر اتخلف من ( عيزومة ) فلان ، واذكر مرة سمع اخونا بشير محمد عبد الرحمن واحد زميلا له سوري اتصل عليه واحد رفيقه سوري ايضا وقال له يافلان نحنا والاسرة بكرة جاينكم وبدون اي حرج قام السوري رفيق بشير دا اعتذر لرفيقه وقال ليهو معليش بكرة عندي ارتباط وقال ليهو خلوها مرة ثانية ، فقام اخونا بشير قال لي والله ياعبد الجليل دا كان واحد سوداني كان حلف بالطلاق اقول ثاني مااجي لفلان وامكن ( اشيل ) حالوا اي يفضحو فضيحة، وقلت ليهو يابشير اعتذر (ليهو) دي ماعادتناـ فرد علي اخونا بشير وقال لي عادتنا دي مرات بتكون غلط قلت ليهو نحنا بنزور الواحد فجاءة عشان ماتكلف( الزايرو)، ولمن تزور واحد تتعشي عنده بالموجود ، (فقام) قال لي وليه نتكلف وامكن حتي الموجود مابيرضي طموحه وعاوز يعمل ليك حاجة شوية تكون مناسبة وجيتك تمنعه من الخروج فلماذا ماتخطره حتي يستعد لك، وعندما جادلته قال لي يااخ عبد الجليل انت مرات بتحجني بالكتاب والسنة وانا اليوم بعارض ليك عاداتك دي بالكتاب والسنة طيب انت عارف الناس في الغربة شقالين ودائما بزورو بعض في اوقات بتكون زمن الراحة وغالبا ماتكون بعد العشاء وعارف البيوت محصورة وامكن بزيارتك الفجاءة دي تحرج زميلك وخاصة كان وجدت (بيتم ) دخانو مولع (راجع كتاب عادات سودانية لها اصول عربية) قلت ليهو بنرجع وبس مافيها احراج . قال لي احسن تكلموا ام تزورو فجاءة قلت ليهو دي عاداتنا ـ قال لي انت بتدافع عن عاداتكم وكانها منزلة وعملنا ركن نقاش وحضر الينا اخونا فتح الرحمن محمد ادريس وسالني الاخ بشير وقال لي ياعبد الجليل كان واحد واجبك ب100 ريال وحصلت ليهو حاجة بتديهو كم قلت ليهو بحول هذا السؤال لفتح الرحمن واخونا فتح الرحمن قال ليهو بديهو 200ريال او اقل شي 150 ريال وقال ليهو كان ماعندك قال ليهو بدين ليهو مانحنا بقينا زي السعوديين في الدين ، فقال لي الاخ بشير امسك دي الثانية يعني الاولي الزرتهم والثانية المجاملة دخلت اخونا في الدين ، والمهم الموضوع طال وشمل التكلف والعزومات الرمضانية والمدة التي يقضيها السوداني في الغربة واقل واحد ليهو 15 و20 سنة وقارنا بين الواجب عليك نحو اهلك بالسودان وواجبك نحو نفسك واخوانك والمجتمع ، ووجدنا هنالك مجاملات يجب ان نقلل منها ممكن انت تعمل احيانا مجاملة وتترك واجب عليك وممكن تلقي واحد يتصل علي اصدقاءه ويعدي زمن مايكلم اهله ويعتذر ليهم بالظروف وامكن يقصر حتي في مصاريفهم في بعض المجاملات ، ولاننكر ان بعض الناس بينقطعوا من المجتمع لظروفهم الخاصة عشان الواحد مابقدر اجاري العادات ويواجب او يصرف مثل الاخرين خاصة بعض الاسر الاصبحت كبيرة وبعض الناس اقولو والله فلان دا كان زمان مواصل لكن يااخوي شايفوا انقطع من الناس ولكن لم يفكرو في السبب المنعو من التواصل والمواجبات ، ولكن بالنسبة لكشف الوفيات نحنا هنا في الدوادمي مابنعمل كشف الا لواحد عاوز اسافر وغالبا المتوفي ( بيكون) من اقرب الاقربين له امه او ابوهو او اخته او اخوهو المهم ليساعده في حق السفر والانسان اذا كان ما عاوز اسافر مابنعمل ليهو كشف وكل عادة ياخ ابو المنذر او مجاملة يمكن ان نخضعها للكتاب والسنة فما وافق قبلناهو ودافعنا عنه وما خالفها مابندافع عنه وكانه منزل وحتي الموجب هنا بيكون محدود وكانه مقصود حق التذكرة وما افتكر هنالك من يدفع شوفونية زي ماذكرت يااخونا ود رغوة والواحد كان بشارك الناس (بتشاركو) وكان (مابشارك) مافي زول بدفع ليهو شوفونية لان هنالك من يصل كشفهم10000 و20000وهنالك من لايصل كشفه حتي 2000
واوافقك في ان تكون المدة يومين بدل 3 ايام ، واخونا ابو المنذر عندما رد عليك بقول ليك ماتقول بهار بل قول هي الموية اذا اعتبرنا حياتنا طبخة فهو زودها شويةوالماء اساس الحياة والعادات فيها السمح والشين ولكم تحياتي اخوكم عبد الجليل ابوعاقلة


عدل سابقا من قبل عبد الجليل ابوعاقلة في الجمعة 3 ديسمبر - 6:43:16 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sudan.go-board.com/profile?mode=editprofile
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: مجاملات السودانيين زايدة شوية    السبت 23 أكتوبر - 16:26:09

الاخ عبد الجليل اولا اشكرك على هذا الراي ولكن معروف عننا نحن السوادانيين الترابط والمواصلة واشياء اخرى لا توجد الا في السوداني الاصيل ولكن هذه الاشياء يجب ان تدرس ونتناقش فيها اكثر كما ذكرت بلسان اخوك بشير ان السودانيين يأتون إليك بدون سابق انزار ويقول الرسول (ص) فيما معنى الحديث لا تدخوا البيوت إلا بعد الاستئذان والاستئذان شامل المعنى .
اما بالنسبة للكشف معروف للجميع اذا لم تجامل لم تجامل (بضم التاء) والرسول (ص) اوصى بذلك , ولكن هنك كثير من السودانيين يجاملون (غصب عنهم ) حتى لا يقولوا عنهم تاركين واجب مع إنه ليس واجب ( إذا لم يكفى الذاد اهل البيت يحرم على الجيران )وهناك من يقراء الكشف اول ويرى الناس ماذا أعطوا فيجاريهم مع العلم بأنه لا يملك ما يدفعه ويضطر للدين .
في السودان كان الكشف كماذكرت في الموضوع سابقا لمساعدة اهل الميت وهو شي رمزي بالنسبة للمجامل ولا يقراء الكشف لا من اهل الميت ولا من غيره وهناك بعض الناس يعطون في اليد ولا يكتبون كما يفعلون في كشف الزواج ( العاقبة عندكم في المسرات ) وكشف الزواج مردود القيمة بالزيادة كما ذكر الاخ عبد الجليل ويحتفظ بالدفتر سنين طويلة ويحتفظ به العريس او اهلة من اخوان وعكس ذلك تماما بالنسبة للوفاة لانه لا يوجد شخص محدد وهناك من يأتي للعزاء عشان احد اغراباء الميت وربما من بعيد بمجرد انه زميله اوصديقة او خلافة ويرده له في مناسبة اخرى بغض النظر من انه دفع ام لا يدفع ومجرد الحضور للعزاء يعتبر في حد ذاته مجاملة
اما بالنسبة لهذا حصل على كذا وكذا ليس هذا مقياس للتواصل ( العز اهل ) كما يقول المثل وبالنسبة لكشف الوفاة عندنا في السودان بعد رفع الفراش يأتي الشخص المسؤل وبعد تسديد المديونية ( الدكان وخلافة ) يجتمع بأهل الميت ويفرض على المقتدرين كلا حسب إستطاعته وبدون ما يعرف احد ينتهي الموضوع .
إخواني ابو المنزر وعبد الجليل الموضوع اشمل من ذلك وربما أردت بذلك كمثال للاشياء التي يجب التحاور فيها بصورة اكبر واشمل واشكركم على المداخلة واتمنى النقاش في مثل هذه المواضيع والتى يسكت عنها الكثير حتى تعم الفائدة ودمتم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الواثق رحمة الله



المساهمات : 15
تاريخ التسجيل : 10/10/2010

مُساهمةموضوع: رد: مجاملات السودانيين زايدة شوية    الإثنين 25 أكتوبر - 15:13:05

هذا ما يميزنا عن الغير من القوميات كما قال الأخ أبو المنذر ولكن في بعض الأحيان تكون كما قال ود رغوة زايدة شوية وبالنسبة للكشوف فهي عادة سودانية أصيلة فينا كسودانيين في الفرح والكره ولا تزال مستمرة في السودان رغم الظروف التي يمر بها الناس في السودان ومن لا يملك مالاً ليقدمه نجده يكد ويعمل في المناسبة وهذه هي مجاملته الوحيدة ( خدمة ضراع ) ولا تزال المجاملات فينا نحن السودانيين ما بقينا أحياء فيها هذه الدنيا فاللهم أدمها من نعمة ولا تقطعها آمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محسي جوبا



المساهمات : 7
تاريخ التسجيل : 22/11/2010
الموقع : الدوادمي

مُساهمةموضوع: رد: مجاملات السودانيين زايدة شوية    السبت 27 نوفمبر - 14:20:53

مشكور الأخ ود رغوة على الموضوع ,, بصراحة وجدت نفسي وأنا أقرأ الموضوع باهتمام شديد جداً وكل الردود والتعليقات رغم انشغالي في تلك اللحظة وعدت مرة أخرى للتعليق ,,يا جماعة الأصل في الموضوع طلب الأجر ورضا الله سبحانه وتعالى بمساعدة أخيك في مصيبته ,, حتى لو كان صاحب العزاء لاينوى الذهاب للسودان فإنه وبدون شك أسرته في السودان تحتاج لدعمه المادي في تلك الفترة .. لكن وبصراحة شديدة المشكلة الكبرى هي العودة المتكررة لصاحب العزاء تارة بالغداء وأخرى بالعشاء ( الله يستر من السحور ) مع أنه المشكلة ليست في الوجبة أو ما تكلفه الوجبة بل في الإرهاق الذي تسببه تلك الوجبات خصوصاً مع أصحاب الدوامين ومعظم أهل الدوادمي من أصحاب الدوامين ( كل ما أرجوه هو جلوسنا جميعاً لتحديد نموذج معين يكون هو المتبع حتى في الكشف .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: مجاملات السودانيين زايدة شوية    السبت 27 نوفمبر - 21:26:09

اشكرك يا محسي جوبا على مرورك وكلامك الطيب وانت الذي فهمت القصد من المقال لان القصد ليس في ان تدفع كم انما القصد في الظروف العملية التى يعلمها الكل كما اشرت لها في الموضوع والجلوس لا بد منه اشكرك اشكرك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجاملات السودانيين زايدة شوية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سودان قوو :: المنتديات الأسرية والاجتماعية :: منتدى الاجتماعيات العامة-
انتقل الى: