الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 صلاح إدريس يصاب في حادث ركشة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: صلاح إدريس يصاب في حادث ركشة   الخميس 4 نوفمبر - 19:53:57

ونحن جلوس في مكان عام وإذا بصوت اصطدام ضخم يهز سكون المكان ويسبقه صوت فرامل سيارة صغيرة لحوالي 3 ثوان .. واشرأبت الأعناق إلى مصدر الصوت، ويا ساتر ولا حول ولاقوة إلا بالله و(ديل بكونوا ماتوا) و(في شنو يا جماعة) وجموع من البشر (حال السودانيين في المواقف الزي دي) تهرع إلى المكان وهرعنا مع الهارعين، ولا مجال لتمييز شيء من شدة الازدحام فيما عدا قمتي السيارة والركشة المصابتين .. ونوااااصل إن شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nsreen



المساهمات : 13
تاريخ التسجيل : 30/08/2010

مُساهمةموضوع: رد: صلاح إدريس يصاب في حادث ركشة   الجمعة 5 نوفمبر - 21:20:57

حرام عليك شوقتنا منتظرين الحكاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: صلاح إدريس يصاب في حادث ركشة   السبت 6 نوفمبر - 1:04:05

تنفع كاتب صحفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: صلاح إدريس يصاب في حادث ركشة   السبت 6 نوفمبر - 21:40:47

شكراً جزيلاً على انتظاركم .. وأعجبني مرورك يا نسرين ومرورك يا ود رغوة ..

وإلى الجزء الثاني ..

وقريباً من هذا المشهد يجلس عبدالله (بتاع الاستديو) خلف بابه الزجاجي، ينتظر (جاهزية) البنات (القاعدات يتمكوجن عشان يتصورن)، وما بين انتظار البنات و(شمار الحادث) (يشخط) في إحسان (ست الشاي) التي تجلس على برندته (الأنيقة المرشوشة بالماء) مقابل أجرة يومية تدفعها له في المساء .. (يا إحسان جبنتك دي بتعملي فيها بالشمش؟) .. وبيني وبينك (جبنة عبدالله دي أفسدت على إحسان متابعة الشمار) ..

وفي ساحة الحادث .. بدأ حديث مثل (غلطان بتاع الركشة)، (لا غلطان بتاع الكورولا لأن الضربة يمين)، وسمعنا اسم صلاح إدريس، صلاح إدريس. و(يا جماعة اتصلتو على إسعاف؟) وعبارة أخرى واضحة (الركشة بتاعة صلاح إدريس)، (يا خي مالو حتى لو اتصلوا على الإسعاف فارقة شنو؟ حيجوا مرتين؟ نتصل تاني).
و(نفس اللمة)، (كدي يا جماعة دخلوهم الصيدلية دي فيها تكييف عشان الزحمة دي ما كويسة)، وصوت ثانٍ (والله صلاح إدريس معوق مضروب ضربة كبيرة ياخ) و(جات واحدة جارية من بعيد قالوا دي أختو).
واستطعنا تمييز أحد المشاركين في الحادث، راجل ما شاء الله تبدو عليه النعمة والنعومة ينتعل شبشب (يكاد يكيف المكان من الرطوبة) قالوا (دا صاحب الكورولا)، (يا جماعة والله الراجل دا انحرف فجأة وأنا ماشي بسرعة ما بسيطة لكن معقولة) ولم نستطع تمييز باقي الجملة ويبدو أن الكورولا كانت تقل السائق (المرطب) وشخص آخر، أما الركشة فكان فيها فقط صلاح إدريس.
ربع ساعة .. وصوت أبواق الإسعاف يعم المكان .. وسيارات تتبع الإسعاف في قمة أحدها طبق فضائي (دش صغير) وعربة أخرى، وكمية من أصحاب الكاميرات ورجال الإسعاف يدافعون الزحام ولا أحد يستطيع الوصول. (كل الناس عاوزة تشوف صلاح إدريس وكذلك أنا) .. ..

وإن شاء الله نواصل تاني ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: صلاح إدريس يصاب في حادث ركشة   الأحد 7 نوفمبر - 0:49:21

الظاهر دا صلاح ادريس حسن وليس صلاح احمد ادريس الشخصية المثيرة للجدل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: صلاح إدريس يصاب في حادث ركشة   الأحد 7 نوفمبر - 0:57:27

ياخي دا صلاح ادريس ولا باب الحارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: صلاح إدريس يصاب في حادث ركشة   الأحد 7 نوفمبر - 1:19:09

شكراً يا ود رغوة على مرورك واهتمامك ومتابعتك اللصيقة ...

وإلى الجزء التالي ..

إحسان: تعال يا بيتر .. بيتر .. تعال تعال!
بيتر: ايوة يا هجة مالك ياه؟
إحسان: تعال تعال في شنو هناك؟
بيتر: أمك دا ما مهترم نفسو(يقصد عمك دا) أمل هادس
إحسان: منو دا ؟
بيتر: الجماءة قالوا سلاه يدريس
إحسان: تعال إنت جاري ماش وين؟
بيتر: ماشين نكشِّف
ويجري بيتر (تقول محطوه سوط عنج) .. ويختفي في الزحام ..
وقريباً جداً من إحسان يعلو ضجيج عبدالله وواحدة من البنات (الإتمكوجن واتصورن) ..
البنت: يا خوي ما طالعة من هنا بدون إيصال
عبدالله: (الذي يحمل الكاميرا الخارجية على رقبته) يا خ قت ليك مستعجل مستعجل .. تعالي بكرة بعرفك من شكلك واديك صورك
البنت التانية: المرة الفاتت (زرزرتنا) في الوصل زي الحرامية
ولا يخفى على أحد إصرار عبدالله الدائم وحرصه الشديد على الإيصال(يا خوي ما جبت الوصل ما عندك صور هنا .. الوصل دا هو العلاقة بيني وبينك) وأخيراً يتحرر من البنتين ويهرول في اتجاه (الشمار)..


إلى اللقاء في الحلقة الأخيرة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود رغوة 32



المساهمات : 19
تاريخ التسجيل : 22/10/2010

مُساهمةموضوع: رد: صلاح إدريس يصاب في حادث ركشة   الأحد 7 نوفمبر - 23:32:28

ياخوي هاك من الاخر وريحنا من المسلسل المكسيكي بتاعك دا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: صلاح إدريس يصاب في حادث ركشة   الإثنين 8 نوفمبر - 14:24:40

بتاع شمار يا ودرغوة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: صلاح إدريس يصاب في حادث ركشة   الإثنين 8 نوفمبر - 14:29:06

يخرج من وسط الزحام شخص منهك يتصبب عرقاً ويجيب على أحدهم (والله بتاعين الكورولا ما جاتم حاجة لكن صلاح غمران وفي دم في حنكو ويدو اليمين مكسورة)، هذا الكلام أثار فضولنا وتمنيت لو كانت (الكاميرا معاي)..
واستطعنا بدفعة من أحد رجال الإسعاف الدخول إلى قلب الحدث أنا ورفيقي وإذا برجال الإسعاف يحملون صلاح إدريس ورأيناه بشحمه ودمه وتبينا ملامحه، وعدنا أدراجنا في إحباط. ولم تمض ثوان إلا وكان الإسعاف يجهر بالصفير من جديد وتنطلق السيارات ويخلو المكان إلا من فضوليين يتفقدون السيارة والركشة بالإضافة إلى رجال المرور.
أحبطنا كما أحبط كل أصحاب الكاميرات الذين أتوا ليصوروا الوجيه صلاح إدريس وأحبط أهل العربة والكاميرا و(الدش) وقد استغربت لعدم دخولهم مكان الحادث بعد أن بدأوا في جر أسلاكهم ولكن أحدهم كان يتكلم على الجوال وبعد انتهاء المكالمة أمرهم أن يجمعوا أغراضهم وينصرفوا، وانصرفوا باكرين.
فرحت وأحبطت! فرحت لأن صلاح كان يتكلم ويحوقل ويئن أنات بسيطة كأن يغمض عينيه ويحادث أختهSadياخ أنا كويس ما جاتني حاجة ضربة بسيطة بس في الكتف) ..
وأحبطت عندما نظرت إلى ورقة على يد أحد المسعفين، فيها: الاسم: صلاح كودي سالم إدريس، العمر: 23 سنة، السكن: المايقوما، المهنة: ميكانيكي
فحمدت الله أن الكاميرا ما كانت معاي!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبد الجليل ابوعاقلة



المساهمات : 160
تاريخ التسجيل : 04/10/2010
العمر : 55

مُساهمةموضوع: رد علي حادث صلاح ادريسفي رقشة   الثلاثاء 9 نوفمبر - 4:34:09

االاخ ابو المنذر الفلم الهندي حق صلاح ادريس ( دا ) انتهي و( لا) لسع ، ومثلما قال ود رغوة تصلح تكون صحفي لان الايام هذه الصحافة اصبحت عناوين مثيرة ومواضيع هايفة، وحادثك حق صلاح ادريس هذا ذكرني قصة ومن الحكاوي الحجونا بيها ونحنا صغار فقالو لينا كان في الزمان الماضي حاكم قوي وظالم وقال عاوز انسان اقول ليهو قصة تعدي سنة ماتكمل ، وحضر الي هذا الحاكم احد الناس ( زول محجاجي وحكاي )وبدا قصته بان هنالك رجل زرع مشروع كبير بالدخن وانتج كمية كبيرة من الدخل حوالي 360جوال ووضع هذا الدخن في مخزن ودخلت نملة وشالت حبة وطلعت ودخلت نملة وشالت حبة وطلعت واصبح يكرر في هذه الدائرة المقلقة وساله هذا الحاكم عن اين القصة فقال له سوف اخبرك بها بعد مااخر نملة تطلع اخر حبة واصبح يحكي مدة الي ان تعب منه الحاكم واهداه هدية وطرده عن بابه ،مع تحيات عبد الجليل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sudan.go-board.com/profile?mode=editprofile
أبوالمنذر

avatar

المساهمات : 147
تاريخ التسجيل : 26/08/2010

مُساهمةموضوع: رد: صلاح إدريس يصاب في حادث ركشة   الإثنين 18 يوليو - 15:57:22

الأخ عبد الجليل

شكراً على مرورك وإفادتك ..

لكن الجماعة المحترمين ديل في النهاية بشر وعندهم سلوك وليهم تربية في النهاية .. الكثير منهم بدأوا حياتهم كادحين ساكنين حواري وقرى بل وعشوائي (كمان) ثم زارتهم الثروات والنعمة وترفعوا على الناس حتى ما عادوا يشوفوهم إلا في شاشات التلفزيون .. في واحد من المنتديات وعلى نفس هذه المشاهد علق أحدهم أنه لا يستبعد أن يرى أحد (المهترمين) ديل في موقف زي دا بمعنى أن يتخفى ليرتكب هواية قديمة أو لذة معينة ممكن يركب ركشة أو تلقاه لابس عراقي شيخ عرب وتوب ومركوب ونظارة سوداء وعنده مزاج يشرب قهوة على طرف الشارع ويدفع للجماعة القاعدين كلهم من غير ما يتعرف عليه أي شخص .. ومن غير سواق أو بودي قارد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صلاح إدريس يصاب في حادث ركشة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سودان قوو :: المنتديات العامة :: منتدى الحوار العام-
انتقل الى: